زوجة أحمد الفيشاوي تدافع عن ياسمين صبري حول قضية “سيدة المطر”
دافعت زوجة الفنان المصرى أحمد الفيشاوي “نادية الكامل”، عن الانتقادات التي وجهت للفنانة ياسمين صبري مؤخرا، بعد مقارنة جمهورها بين صورتها هي وحقيبتها البالغ ثمنها 300 ألف جنيه بطائرتها الخاصة، وبين أمراة مصرية فقيرة كانت تجلص في احدى الشوارع المصرية تحت الامطار والتي عرفت باسم “سيدة المطر”.
وقالت نادية الكامل من خلال حسابها الرسمي في موقع فيسبوك: “أنا معرفش ياسمين صبري شخصيا.. بس جدعه وإنسانيتها جميلة، عجبتني وعجبني ردها وتصرفها وإنها قالت وعملت ونفذت اللي قالته.. بنت مصرية جدعة زي معظم ستات وبنات مصر”.
كما وأضافت: “إحنا غير.. إحنا الستات المصريين .. إحنا الجدعنة والحلاوة، ربنا يبارك فيها ويكرمها .. واللي يقدر علي حاجه يعملها..ومعجبنيش أبدا من الناس أنهم خدوا صورة ليها فيها شنطتها ويحطوا صورة الست اللي في المطر جنبها” .
وأشارت: “طب ليه ليه؟؟ بتحطوا دي جنب دي ليه؟؟ اهي ياسمين طلعت أجدع من اللي عملوا صور واتكلموا.. اتمنوا السعادة للناس عشان فعلا فيه ناس بتموت وحياتها بتقف بسبب الحكايات دي وان محدش بقي عارف يتبسط حاجته عشان خايف الناس تستخسرها فيه.. دي شنطة يا جماعة!! الست مكفرتش إنها فرحانه بحياتها”.
خرجت الفنانة ياسمين صبري في تغريدة لها عبر على موقع ” تويتر ” تعلن من خلالها التكفل برعاية الحاجة نعمات وكامل أسرتها والعمل على تلبية احتياجاتهم.
كما وتابعت “صبري” في التغريدة قائلة : ” أنا دائما بحاول أشوف الجزء الإيجابي في كل سوء تفاهم .. أنا سعيدة إني اتعرفت على السيدة نعمات عبد الحميد ” سيدة المطر ” من السوشيال ميديا ” .
ثم أختتمت : ” وتواصلت مع السيدة نعمات والحاج علي زوجها ويشرفني إني ألبي كل طلبات الحاجة نعمات وأسرتها .. كل حاجة وحشة بيطلع منها حاجة حلوة ” .
اقرأ المزيد: