بسمة وهبة تخرج بفيديو آخر بعد استغاثتها من حريق بقاربها مع ابنتها
قامت الإعلامية المصرية بسمة وهبة بتوجيه رسالة اطمئنان لجمهورها على مواقع السوشل ميديا بعد نجاتها من حريق بمركب كانت على متنه برفقة ابنتها في مارينا بالساحل الشمالي.
حيث قالت: “الحمد لله والشكر لله إحنا كويسين أنا وخديجة أول 3 ثواني من الفيديو كان صاحبتي وجوزها شافوه وأنقذونا وركبنا مركب تاني ورجعنا البيت مش عارفة الصيف دايما بيجب لينا حاجات كده حوادث مائية السنة اللي فاتت الجت سكي والمرة دي المركب لكن الحمد لله ربنا بيكرم”.
وأرفقت الفيديو بتعليق قالت فيه: “الحمد لله اللي جت ع كده يا رب دايمًا في الحديد ولا فينا ولا في غالي فينا”.
View this post on Instagram
انهالت التعليقات على الفيديو وتمنى العديد من الجمهور الخير والسلامة لبسمة وابنتها، علقت الممثلة ريم البارودي على الفيديو:” الحمدالله يا حبيبتي الحمدالله دائما وابدا ربنا يحفظكم يا رب”.
وأضافت متابعة: ” امين يارب يا نور عيوني❤ حمدالله على السلامة ❤ربنا كريم ❤الحمدلله انها جت ع قد كدا الحمدلله”.\
View this post on Instagram
في يوليو العام الماضي تعرضت بسمة وهبة لحادث في البحر أثناء قيادتها لانش برفقة أصالة، وفي ذلك الوقت نشرت فيديو عن الحادث وعلقت عليه قائلة: “أنا وأصالة تعرضنا إلى حادث كبير وبفضل الله نجونا من الموت بأعجوبة أصاله كانت سايقة الجيت سكي بسرعة واصطدمنا بالصخور وأنا اترميت برأسي عالصخر وفقدت الوعي ووقعت في القاع”.
واضافت: “أصالة رغم وقوعها صممت تضرب الموج وتخبط وتنادي حد ينقذني أنا فوقت لقيت نفسي في مركب ناس طيبين ووشوش حواليا كل واحد بيحاول ينقذني من المية اللي دخلت جسمي وأنا فاقدة الوعي ومن النبض ودقات القلب والدم اللي كان طالع من الجروح اللي في رجلي”.
وتابعت: ” شكرا يا حبيبي يا رب يا رحمن رحيم بعبادك، شكرا أصالة إنك صممتي تنقذيني وبالفعل انقذتيني بشهامتك ودايما بتثبتيلي إنك جدعة وأصيلة وشكرا للولاد اللي انقذوني بالمركب وكانوا في قمة الأخلاق والجدعنة. وشكرا لعلي البحار .. وجدعنتك دي مش غريبة على أهل اسكندرية الحمدلله 100 مرة ومن فضلكم محدش يجري بالموتوسيكل المائي وانتبهوا لنفسكم ولأولادكم”.
وطمأنت أصالة جمهورها عبر تطبيق تبادل الصور و الفيديوهات”إنستغرام” قائلة: “أنا كويسة والله بس أنا كويسة لأني متعودة عالوقعات.. أكثر وحدة بتوقع بالعالم أظن أني باخد أوسكار وقعات.. أنا بحب الجيت سكي وكمان العجل.. وبحب لما ألعبهم.. ماحبش ألعب مثل الماما ولكن ألعب مثل الأولاد الصغيرين”.
وتابعت: “اليوم وقعنا، الوقعة كانت بسيطة بالنسبة لي .. الحمد لله على سلامة بسمة، بسمة وقعت وقعة غريبة جدا، فجأة طارت، كيف؟ ما بعرف”.
واردفت: “يا ريت حد كان صورنا من فوق، كانت وقعة كوميدية. عموما كله تمام الحمد لله أحنا كويسين”.
View this post on Instagram