التعليق الأول لـ رنا سماحة بعد أنباء إنفصالها عن زوجها
وجهت النجمة رنا سماحة رسالة عبر حسابها الشخصي على موقع التواصل الاجتماعي إنستجرام للاشخاص الذين يحاولون التدخل في حياتها الشخصية وأكدت على عدم إفصاحها بأي شئ يخص هذا الموضوع خصوصا علاقتها بزوجها الملحن ” سامر أبو طالب ” وما يحدث بينهما.
وجاء ذلك عقب تداول أخبار تفيد إنفصالها عن سامر أبو طالب بعد أن قاما كلاهما بإلغاء متابعة الآخر على تطبيق إنستجرام وكذلك حذف الثنائي كل الصور التي تجمعهما في كافة المناسبات بما في ذلك حفل زفافهما .
قالت رنا سماحة في رسالتها: ” عذرا أيها التريند فلدي ما هو أغلى من كنوز العالم .. اتعلمت في بيت أهلي إن العلاقة بين الراجل والست أمانة مينفعش تطلع بره البيت ، خطيبتك مراتك طليقتك أيًا كان ، الأمانة دي ولاد الأصول بس اللي بيعرفوا يصونوها وميفشوش أسرارها ” .
وأضافت: ” ولاد الأصول بس اللي مبيكذبوش ولا يدّعوا على بعض بالباطل ، ولاد الأصول مبيقذفوش المحصنات بكبيرة من الكبائر ، ولاد الأصول بس اللي مبيخونوش الأمانة ، ولاد الأصول بس مبيفجروش في الخصام ، ولاد الأصول مش محتاجين يستعطفوا حد ولا محتاجين يدّعوا المثالية بيسيبوا أخلاقهم تتكلم عنهم ومبيتكلموش هم عنها ” .
وتابعت: ” ولاد الأصول مبيلقحوش على بعض مبيجيبوش سيرة بعض غير بالخير ، ولاد الأصول بيعاشروا بالمعروف وبيفارقوا بالإحسان ومبينسوش الفضل بينهم .. ده اللي ربنا أمرنا بيه ، ده اللي أهالينا ربونا عليه ده اللي الإنسانية بتقوله أي حاجة غير كده تبقى عدم تربية .. قلة دين .. إنعدام أخلاق .. انعدام الأخلاق ده مينفعش نزينه ونقول أوه ترند في داهية الترند اللي ينسينا أخلاقنا وتربيتنا وأصولنا ” .
واستكملت : ” الإنسان بيعيش حياته وبيمشي رحلة مش هيفضل منها غير سيرتك وأعمالك الطيبة وكلمتك اللي بتتصدق بيها .. سيبوا الخير وانتوا ماشيين عشان الناس تدعيلكم بدل ما يدعوا عليكم .. اجعل من يراك يدعو لمن رباك ” .
وواصلت : ” بطلب من أي حد هيكلمني عشان يعرف أي تفاصيل تخص حياتي الخاصة يوفر على نفسه وميكلمنيش .. ميهمنيش السبق الصحفي ولا الشو الإعلامي ولا الأكثر بحثًا غير في شغلي فقط في الخير والفرحة وبس ” .
واختتمت: ” عاهدت نفسي وأهلي والناس اللى بحبهم إني أكون خير قدوة .. عاهدت إبني اللي عيني لسه مشافتوش إني أربيه على الأصول والاحترام والرقي ، عاهدته إني أربيه يبقى راجل فمتستنوش مني ما يفعله الآخرون .. مش عايزة ابقى ترند ” .
View this post on Instagram