سميه الخشاب : ” مفيش حاجة إسمها ست عانس .. والسنجلة أريح “

قامت النجمة المصرية سميه الخشاب بمشاركة جمهورها عبر حسابها الشخصي على موقع التواصل الاجتماعي تويتر تغريدة لها عبرت من خلالها عن رفضها لكلمة عانس التي يطلقها البعض على الفتيات التي تأخر زواجهن.

وأكدت الخشاب على ضرورة إختيار شريك حياة مناسب مع ضرورة وجود التوافق بين الشريكين وقالت مازحة بأن حياة العزوبية مريحة أكثر بالنسبة لها.

فكتبت في تغريدتها قائلة: ” مفيش حاجة إسمها ست عانس .. في حاجة إسمها ست لسه ملقتش شريك حياتها المناسب .. ما هو مش أي حد وخلاص ده المفروض جواز وتوافق ” .

وأضافت : ” مفهوم العنوسة ده غلط جدا ومش عارفة ليه دايما مقرون بالمرأة وبعض الناس بتستخدمه كنوع من التقليل منها .. يا ريت نتخلص من المعتقدات الرجعيه دي .. وعامة السنجلة أريح ” .

• فرح يوسف تشن هجوما على متابعة وصفتها بالفشل

• معتمر يطلب من رجل أمن سعودي مظلة شمسية.. شاهد: ردة فعل الأخير

مؤخرا تداول رواد مواقع التواصل صورة نشرتها سمية الخشاب تزامناً مع احتفال طليقها بعقد قرانه على مصممة الأزياء علياء بسيوني.

وقالت إن هناك بعض الأشخاص الذين يحاولون فبركة الصور لزيادة التوتر بينها وبين طليقها.

وأضافت : “حبايبي اللي لسة موصلوش لـ2021، في حاجه اسمها سكرين شوت مفبركة يعني ممكن حد يكتبلكوا تويتة أو بوست أو حتي يفبرك واتساب شات في أقل من 10 دقايق، فياريت اللي يشوف حاجة ميصدقهاش إلا لما يروح الحساب اللي منزلها ويلاقيها لايف قدامه، شغلوا مخكم عشان تبقوا شاطرين مش زومبيز”.

وتابعت : “ياما بنات مراهقات تأذوا جدا من الموضوع ده وياما أهاليهم صدقوا سكرين شوتس شاتس مفبركة وبوستات مفبركة لمجرد إن شخص مريض قص الاسم وحطه على اسم بوست كاتبه من أكاونت مزيف وضبط السكرين شوت ووراها لأهاليهم، متمشوش ورا أي تويته أو بوست أو شات واتساب إلا لما تشوفوهم لايف وخلوا بالكم”.

وأعربت عن غضبها الشديد من ربط البعض صورتها بما يتم تداوله، فكتبت:.”يعني بتفبركو ردود وتثيروا فتن ومع ذلك محدش مهمتم بيكم، ربنا يعينكم على نفسكم ويشغلكم بنفسكم”. لكن سرعات ما قامت بحذف التغريدة بعد ساعات من نشرها.