فتاة تفاجئ الداعية مبروك عطية بسؤال “بابا بيتحرش بيا.. أعمل إيه؟”.. هكذا رد الأخير!
تم توجيه سؤال إلى الداعية المصري مبروك عطية، عبر قناته الرسمية على منصة يوتيوب جاء فيه: «بابا بيتحرش بيا وبيطلب مني أطاوعه من البر بيه».
فكان رد الداعية: «ليس بر الوالدين بمعصية الله، والوالد الذي يتحرش بابنته فاسق. وخرج عن نظام الجماعة، وعن خلق الدين والفطرة التي فطر الله الناس عليها».
وأضاف: «اوعى تتخيل إن الرجل ده أب سوي، وهو إنسان ماجن وبلا فطرة سوية أو دين سليم ، وما جعل الله بر الوالدين في معصية الله»
واستطرد مبروك عطية: «بابا لما ييجي جنبك تفري زي ما يكون أجنبي، وتدافعي عن نفسك. وده مبقاش بابا خلاص بقى حيوان».
وتابع: «لما يكبر ويتهد حيله، ويقولك إديني كوباية مياه، إديهاله ولكن كوني حريصة، والمفترض نأخذ الحرص من الأعداء مش من بابا»، مردفًا: «بابا ده اللي مفروض يغطيكي وانتي نايمة مش يتحسس على جسدك، وبابا عند التحرش أجنبي وتدافعي عن نفسك، وبكده تكوني مطيعة لربنا، بر والدين إيه، يا نهار أسود على كده».