نادين نسيب نجيم ترقص على أنغام “اه لو لعبت يا زهر”
حلت النجمة اللبنانية نادين نسيب نجيم ضيفة في برنامج “معكم” للإعلامية منى الشاذلى. وتحدثت خلال البرنامج عن تتويجها في بداية حياتها ملكة جمال لبنان وعن عمليات التجميل التي قامت باجرائها.
فقالت: “تتويجى كان من أجمل اللحظات في حياتى وكنت محضرة نفسى للمسابقة مش عشان شوفت دعاية. وكنت محضرة لها من وقت ما كان عندى 16 سنة. ولكن أسوأ ما فيها إنها بتسرق من الشخص الحرية”.
وعن دخولها عالم الموضة والأزياء قالت: “التجربة مش بتضايقنى لأنى بعمل اللى يريحنى ومش بيضايقنى اللى يقول نادين كانت أحلى قبل عمليات التجميل أنا بعمل اللى يريحنى واللى بشوفه بعمله، وهى حرية شخصية. وأنا إزاى أشوف نفسى فى المرآة بعمله، ومش هنسى إن لم ينتخبونى في ملكة جمال من فراغ وقدرت أخدت اللقب عن جدارة واستحقاق. ولازم كل مرأة تهتم بنفسها لأن كل واحدة فيها حاجات حلوة والأهم هي الرياضة وأنا بعد فترة من الانفجار تخنت 8 كيلو”.
أما عن أكثر الفنانين حبا لهم في الأفلام المصرية ردت: “كنت بحب وبنجذب إلى البطلات أكثر مثل سعاد حسنى وميرفت أمين ونادية الجندى ونبيلة عبيد ومديحة كامل. وكنت أحكى اللهجة المصرية وأنا صغيرة أفضل من دلوقتى بسبب مشاهدتى للأفلام المصرية. وكان زميلاتى في المدرسة ينتظرونى عشان أحكى باللهجة المصرية، وبحب عادل إمام ومحمد سعد في الكوميديا”.
واختمت نادين نسيب نجيم مشاركتها في البرنامج بوصلة رقص شعبية على انغام اغنية. “اه لو لعبت يا زهر” للفنان احمد شيبة.