مذيع يحرج منة عرفة أمام زوجها: “ليه تتجوزي راجل مطلق مرتين وعنده أولاد؟”.. هكذا ردت!
أثارت النجمة المصرية الشابة منة عرفة وزوجها الممثل محمود المهدي موجة واسعة من الجدل بعد استضافتهما مع الإعلامي العراقي نزار الفارس على قناة الرشيد.
ووجه نزار الفارس سؤال محرج لـ منة عرفة حيث قال لها: “ليه تتجوزي راجل مطلق مرتين وعنده أولاد؟”، لترد عليه قائلة: ” النصيب بتاع ربنا وفي حاجة ممكن تكون شايفها وحشة ولما تقرب منها تلاقي أنها أحسن من اللي كنت شايفها، أنا واحدة أول مرة أتجوز ويبقا عندي راجل أبقى مسئولة منه، محمود لأنه اتجوز قبل كده فعنده الخبرة دي، بيعرف يتعامل مع الست إزاي”.
الطلاق ليس إدمان
وتابعت:” محمود عارف يعني إيه مسئولية، عارفة يعني إيه جواز وطلاق والدنيا كلها بتطلق وتتجوز، ولو اتطلقنا في المستقبل دا هيكون نصيب، مش لأنه طلق قبل كدا، الطلاق مش إدمان”.
واستطردت: “الحلو فيا أنا وجوزي، أن فيه بينا حاجات بتكمل بعض، يعني أنا عصبية جداً وهو هادي جداً، أنا عنيدة ولكن هو أعند مني، بس مع الجواز والارتباط عرفت أن العند ده ملهوش لازمة ولميت نفسي عشان أحافظ على العلاقة”.
كما وجه سؤالاً آخر محرجاً لـ منة عرفة حيث قال لها: “هل باركتي لخطيبك السابق علي غزلان على زفافه؟”، لترد منة عرفة بانفعال قائلة: “ماينفعش تسألني السؤال ده.. جوزي قاعد جنبي”.