ياسمين عز عن هذا الإعلامي: “قمر الزمان والمكان وصوته مزيكا بيطربني”
أشادت الإعلامية ياسمين عز بالإعلامي عمرو أديب و البرنامج الذي يقدمه “الحكاية” وأوصت بمتابعته، وذلك في ردها على الانتقادات التي توجه لها ولبرنامجها من قبل البعض .
قالت ياسمين عز في حلقة الجمعة من برنامجها “كلام الناس” الذي يبث عبر قناة “MBC مصر” ووجهت حديثها لمن ينزعج منها ومن محتواه: “مضايقك كلام الناس، مش عايز ياسمين عز ومش عجباكي عندك قمر الزمان والمكان الأستاذ عمرو أديب الكبير” .
تابعت: “منور الشاشة والمحطة برنامج الحكاية الساعة 10 بليل جمعة سبت حد اتنين، 4 أيام في الأسبوع كل حاجة وأي حاجة مرأة تلاقي طبخ تلاقي فن تلاقي ثقافة تلاقي، بيعرفك كل حاجة بتحصل حواليك بلغة سهلة وبالتفصيل” .
وأضافت: “صدق ومهنية إبداع وإمتاع .. كل ده هتلاقيه في برنامج الحكاية، زهقتي من الحكاية مع إن والله مايتزهق منه، يارب الإدارة تخليه 4 ساعا، صوت أستاذ عمرو أديب مزيكا بيطربني، بيخليني أرقص طربا” .
وأردفت: “زهقتي من كل ده ارجعي لياسمين عز 6 مساءا 4 أيام بردو وأنا عارفة انك بتحبي رقم 4 .. وهنا حاشا لله أكون بقارن القياس مع الفارق ولا وجه للمقارنة، أنا شابة يافعة بأسس لمستقبلي القادم المزدهر في بحر الإعلام وبحب أمشي المشوار واستمتع بيه على مهلي” .
وواصلت :”والأستاذ عمرو أديب هو من هو .. فيه قاعدة مهمة في الإعلام بتقول امتع المشاهد أولا وبعد كده قول المعلومة اللي انت عايز تقولها، المحطة الكبيرة المحترمة دي والكيان العظيم ده لا خلاف عليها ولا جدال” .
واختتمت حديثها قائلة: “المحطة يتقدم وجبة متنوعة تحترم المشاهد وتحافظ على الأسرة وتجمعهم قدام شاشتها، وبتقدم برامج متنوعة ملهاش عدد، اختار اللي انت حابب تتفرج عليه .. حرية الرأي مكفولة للجميع، تقدر تختلف تقدر ولكن اختلف باحترام” .