داعية مصري يثير الجدل: بناء مصنع أفضل من إقامة 20 ألف مسجد!

قال الداعية المصري خالد الجندي إن لابن القيم كلمة رائعة، وهي أنه إذا تعارضت مصلحة الإنسان مع الأديان فإن مصلحة الإنسان تعلو على الأديان.

واضاف: “مصلحة الإنسان مقدمة على الدين والشرع نفسه، بدليل إن ربنا لو في حاجة لمصلحة الإنسان بيقدمها على الشرع نفسه.”

وأردف: “فافتتاح مصنع أسمدة أزوتية أهم بكثير من بناء 20 ألف مسجد، ليه يعني! المصنع هو اللى بيطلع لك العيش والمكرونة، فدول مش بيطلعوا من الأرض كدا، ولكن بيحتاجوا أسمدة، وإعداد تربة زراعية، مضيفا: شيماء العزوري اللي بعتت الرسالة جاية توعظ اللي بيعمل لصالح الوطن ونسيت الستات زمايلها، اللي كل واحدة منهم بتجيب أربع بطون وخمس بطون وستة، احنا كل سنة بنزيدلنا بتاع 20 مليون، فالتتار اللي هياكل الأخضر واليابس مين اللي هيجهزلهم الأكل؟، مصنع الأسمدة اللي حضرتك جايه تنظري علينا وتقولي أصل بنا الإنسان أهم من بناء الطوب”.

واستطرد: “مشغل الإنسان في بناء الطوب علشان يأكل الإنسان، هو بناء الطوب هيتبني عن طريق جبرئيل وإسرافيل والملائكة ولا عن طريق ناس هيتفتح بيتوها وأرض هيتم استصلاحها، المصانع هتفتح بيوت وأراضى هتستصلح، احنا مرينا بكل الأزمات العالمية وحتى الآن بفضل الله، مفيش أزمات جوع، مصلحتنا أهم من فتاوى الجنابة، فمصلحة بلدي ودعم القائمين على القرار في بلدي أهم مليون مرة من الحديث عن فتاوى الجنابة والنفاس، وقفوا رسايل الفزلكة، فالواحد منكم مش عارف يغير ترتيب الأنترية في أوضة الصالون وعايز يعدل على رئيس الجمهورية علشان يديله نصائح، وعجب”.