رضوى الشربيني
تحدثت الإعلامية المصرية رضوى الشربيني لأول مرة عن وفاة والدتها بعد اصابتها بفيروس كورونا، وتأثير الوفاة على حياتها.
وقالت: “كنتي دايما بتقولي لي إن بكرا لما أموت هتقولي ولا يوم من أيامك يا أمي، فلو إنتي سامعاني دلوقتي … أنا بأقولها كل ثانية”.
وأكدت رفض والدتها القاطع دخول المستشفى رغم نقص الأوكسيجين لديها حيث قالت لها: “لو دخلتيني المستشفي أنا هاموت، هونت عليها وقلت لها أنه بس 48 ساعة هنظبط فيها الأكسجين، وبعد 12 يوم مرت وهي أصعب أيام في حياتي، وكان الدكتور بيبعت لي حد يديني حقنة عشان أقدر أشوف البيت وأعمل تحليل لكل الناس اللي في البيت وأروح لوالدتي وأتخانق مع الدكتور، وكنت باحمد ربنا إني كورونا ايجابي عشان اقدر اشوفها لغاية يوم اللي على غير العادة الدكتور كلمني وقالي تعالي شوفي مامتك عشان تتحسن وتبقي أحسن، فتعالي شوفيها فرحت علي طول.”
وأضافت:”كلمت اخويا محمد، وقلت له ماما عايزة تشوفنا، ووصلت الأول ومكانتش بترد لما باكلمها، ولما محمد جه فاقت وبعدين بصيت لي، وقالت لنا احنا الاتنين خلي بالكم علي بعض، وبعدين كل الأجهزة وقفت، وكل الأرقام عمالة تقع، ولما سألنا الدكتور إيه اللي بيحصل قالنا ده الطبيعي وخرجنا بره”
وتابعت: “ويوم الوفاة انا كنت رايحة لها في الطريق وكأني مستمعتش كلام الدكتور لقيت المساعدة بتاعته بتكلمني قبل ما أوصل بدقايق بسيطة بتبلغني ان والدتي اتوفت. كنا وافقين قدام تلاجة الموتي ولقيت الدكتور بيقولي لو لسه عندك كورونا يبقي انتي اللي هتغسلي مامتك، ودي كانت اول مرة اعمل ده”
واختتمت: “روحت البيت الكل عمال يكلمني فصرخت في وشهم كلهم وأخدت أقصى حاجة، وبقيت استوعب إني محتاجة حد يحضني لاني خايفة عليهم دخلت الاوضة وقفلت الباب على نفسي، وأنا كنت بنام جنبها بقالي 4 سنين علي نفس السرير، وبعد ما غسلتها اكشفت اني سلبي كورنا وكأن ربنا كان عايز إني اغسلها”.
اعتبارًا من 18 مارس، ستتأثر إسطنبول وأنقرة بموجة برد قادمة من البلقان، ما سيؤدي إلى…
استعادت تركيا من متحف غليبتوتيك الدنماركي رأس تمثال للإمبراطور الروماني سيبتيموس سيفيروس و48 لوحا طينيا.…
دفعت سياسات الرئيس الأمريكي دونالد ترامب العدوانية بشأن التعريفات الجمركية، إلى جانب تزايد المخاطر الجيوسياسية،…
تشهد أسواق المال في تركيا، اليوم السبت 15 مارس 2025، متابعة حثيثة لحركة أسعار الصرف،…
دعا وزير الخارجية التركي هاكان فيدان، الجمعة، إلى استبعاد جميع العناصر المسلحة المتورطة في أنشطة…
واصلت أسعار الذهب ارتفاعها إلى مستويات قياسية، مدفوعة بالمخاوف من تداعيات السياسة الجمركية التي ينتهجها…
هذا الموقع يستعمل ملفات تعريف الارتباط (الكوكيز) لتحسين تجربة استخدامك.