زوجة حسن شاكوش توجه له رسالة جديدة: “مش راضية أتكلم لحد دلوقتي”
تصدرت أزمة حسن شاكوش وزوجته ريم طارق محركات البحث على مختلف مواقع التواصل الاجتماعي.
كتبت ريم طارق، عبر خاصية الستوري على موقع التواصل الاجتماعي “انستقرام”: “أنا لحد دلوقتى متكلمتش ولا عبت ولا قلت إيه السبب علشان دی أعراض، لكن تروح تتفق مع طليقى يطلع يتكلم وأنت عارف إني رافعة عليه قضايا ومأخذتش حقوقی منه لحد دلوقتي.. فروحت تتفق معه.. عيب عليك.. عيب تجيب واحد أبويا فاتح له مشروع ومعايا كل إيصالات الأمانة ومع كذلك محبستوش.. وأنا قبل ما أتجوزك عملت كل التحاليل.. ده فعلاً شغل رخيص أوي يا حسن”.
وتابعت: “أنا مصر كلها كانت عارفة إني متجوزة وعارفة ليه انفصلت بس أنت اللي حبيت تداري على الموضوع علشان البنات اللي كنت مواعدها بالجواز وقلت لهم أمي عايزة بنت تكون أول مرة تتجوز”.
بدروه فجر مطرب المهرجانات المصري حسن شاكوش مفاجأة وكشف أسباب الخلاف مع زوجته ريم طارق، بعدما رفعت محضر ضده واتهمته بطردها.
وأكد أنه تحت سيطرة أعمال السحر والشعوذة.
وقال: “كان بيتعمل لي أعمال سحر بوقف الحال .. وأن أٌصيب بالشلل ، وأعمال حتى انتحر وأموت نفسي ، لكن الحمد لله لأنني قريب من الله حفظني .”
وتابع: “الحمد لله أمي راضية عني هي وأخواتي وأهلي ، ويستحيل أن يكون الإنسان سيء وغبي مع عائلته ويحبوك .”
واستطرد: “ليه تبصولي في فرحتي ، مع أنك إذا دعيت لنا ” ربنا يكرمهم ” ستكسب ثواب من الله .”
واردف: “مفيش حد عالم بظروفي كانت إيه ، فعندما كنت لاعب كرة قدم كنت أنام أسفل المدرجات ، وكنت اشرب مياه تٌسبب الإصابة بفشل كلوي ، لعدم قدرتي على شراء المياه المعدنية .”
واختتم : “في ناس فهمت كلامي في أحد البرامج غلط، فأي شاب يسمع أنني صرفت على فرحي 4 مليون جنيه ، لازم يصاب بالإحباط ، لكن أنا صرفت هذه الفلوس في فرش وشقة وفرح وفندق.”