رانيا يوسف تثير الجدل بعد حديثها عن أسباب طلاقها
كشفت الفنانة رانيا يوسف عن أسباب طلاقها وأكدت أنها لو تزوجت مرة أُخرى ترغب في أن يكون لها غرفة منفصلة وحمام خاص بها.
وقالت في تصريح لها: “لو بيتنا كبير شوية، وفي مساحة إن كل واحد يبقى عنده أوضة بحمام لوحده، علشان نوحش بعض، بدل ما أصحيك الصبح وأفضل أرزع على الباب”.
وأضافت: “أنا مطلقة من 5 سنين وسريري بتاعي، وعايزة مروحة سقف لإن عندي مشكلة مع التكيف صيف شتا، والتكيف كان أحد أسباب طلاقي الأول”.
وتابعت: “أول طلاق كان صعب جدا والقرار استغرق 5 سنين وكنت بحبه، وعلشان آخد القرار قصيت شعري”
أعلنت رانيا مؤخراً إنتهائها من تصوير فيلم “ورد ريحان”، عبر حسابها على تطبيق تويتر.
تدور قصة الفيلم في إطار تشويقي، يغلب عليه الغموض ويشارك في بطولته باقة من ألمع النجوم والفنانين من بينهم أحمد الفيشاوي، رانيا يوسف، نانسي صلاح، عمرو عبد العزيز، نبيل عيسي، وتأليف وإخراج محمد نبيل.
هاجمت رانيا يوسف مؤخراً طليقها المنتج محمد مختار، بسبب حديثه عن ارتداء ابنتهما فستان البطانة في حفل ختام الدورة الرابعة من مهرجان الجونة السينمائي.
قال محمد مختار خلال لقاء مع برنامج “حبر سري”: “زعلت أوي .. مفيش أب يقدر يعمل أي حاجة، الأب معاه فلوس يصرف وميفتحش بوقه وإلا هيتضرب بحاجات وحشة أوي” .
ردت رانيا يوسف على التصريح وقالت: “وانت كنت فين طول ال 13 سنة اللي فاتوا في حياة بناتك، كنت برضه زعلان .. ونعم الأب” .
وتابعت: “ولما المدام مراتك كانت بتتباس وتقلع في الأفلام وعلى طول بالبيبي دول مكنتش بتزعل، مش دي برضه المفروض أنها شرفك وعرضك ولا علشان كنت مستفيد؟” .
شارك محمد مختار مقطع فيديو أكد تكفله بمصاريف ابنتيهما وعرض بعض الأوراق والمستندات التي تؤكد ذلك .
علقت رانيا على ذلك قائلة: “آلافات لطيف إن الواحد يكذب ويصدق نفسه، طول عمرك ممثل فاشل واللي بعتاك تقول الكلام ده أفشل منك .. الحقيقة أنا مقامي أكبر من الواحد يرد على واحد زيك” .