بسمة بوسيل تثير الجدل مجدداً: “ويخشى الله عليك من سوء اختيارك”
مازالت المغربية المعتزلة بسمة بوسيل تنشر رسائلها، بعد مشاركة طليقها الفنان تامر حسني في حفل زفاف مديرة أعماله هالة عمر، التي وصفتها بوسيل بأنها السبب في انفصالها.
شاركت بسمة منشور جديد عبر خاصية الستوري على موقع التواصل الاجتماعي إنستغرام قالت فيه: “ويخشى الله عليك من سوء اختيارك فينتشلهم من حياتك فتيأس لسوء ظنك انه ابتلاك لتعلم بعدها انه نجاك”.
وكانت قد هاجمت هالة عمر، وشاركت الفيديو الخاص بالزفاف، وعلقت عليه: “حسبي الله ونعم الوكيل فيكي يا هالة”.
وتابعت: “احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك.. وهدم حياة أولادك”.
إحتفل الفنان المصري بزفاف هالة عمر، وظهر في الفيديو المتداول على نطاق واسع وهو يمسك بيد العروس ليسلمها لعريسها، وأعرب عن سعادته البالغة وهو يتقمص دور الأب.
وكشف عن لقائه الأول بهالة التي يعتبرها اليوم ابنته الكبرى، وقال: “لكل اللي بيسأل عن ايه وجه القرابه بيني وبين العروسه الجميلة دي شايف. أنا هحكيلكوا هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت ومن كتر دفاعها عني لفتت نظري ومرة رديت عليها شكرتها ولما سافرت اسكندريه في الوقت ده لقيت بنت صغيره اوي بتعيط وبتجري عليا فوقفتلها وفكرتني بنفسها وفضلت تعيط وتقولي احنا معاك ولازم تكمل عشان كنت بتحارب جداً في بداياتي فاتصدمت ان اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة وقتها كانت السوشال ميديا لسه بتطلع وكنا في شركتنا بندور على شركه كبيره تمسكلي السوشال ميديا”.
وصمم أن تستلم هالة صفحاته الشخصية بالرغم من معارضة المقربين منه لأن الأمر يستلزم شخصا يتمتع بالخبرة.
وتابع: “أصريت على استلامها للمهمة وقلت لازم اكتر حد بيحبني هو اللي يمسكها وانا واثق ان طاقة الحب مفعولها أقوى من طاقة المحترف بلا حب فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر”.