فنانة شهيرة: ندمانة أني اتجوزت.. ومطلعش راجل

كشفت الفنانة جيهان قمري خلال حلولها ضيفة على برنامج «قعدة ستات» تفاصيل زواجها الوحيد الذي انتهى بالطلاق، وقررت بعدها عدم خوض تجربة الزواج مرة أخرى

وقالت: «كانت تجربة وحشة وندمانة عليها، ندمانة إني قمت بالتجربة دي للأسف، التجربة عملتلي حالة بلوك لأي حد في حياتي للأسف، ومش عيب الواحد يتوجع بالعكس أنا من الشخصيات اللي أي حاجة توجعني أو بحس إنها تكسرني بتقويني أكتر بتخليني أعيد حساباتي تاني وأبص للحكاية من منطلق تاني خالص».

وأضافت: «أنا كنت متجوزة مدني في قبرص فأنا اللي عملت الورق كله وانا اللي سافرت ولغاية النهارده انا اللي معايا الورق كله معهوش ورقة واحدة تثبت إننا اتطلقنا، لما أخدت القرار أنا اللي سعيت لكل حاجة، على الورق اتجوزته 6 شهور وعلى الحقيقة 3 شهور، مطلعش راجل بمعنى الكلمة للأسف راجل بيمد إيده على ست وتقريبًا كان عنده نقص بيعوضه بحاجة تانية ده بالنسبة لي مش راجل، ومكنش ينفع أكمل عشان أخلي الحياة تستمر، مش مستاهلة وصلت لمرحلة إني مش مستاهلة عشان أكمل ويربطني بيه حاجة».

وتابعت: «مبعرفش ومش هعرف أعيش معاكي وأنا مش حباكي، هبقى كدابة وملاوعة لو قولت مأثرش فيا وعلمني حاجات كتير وقواني كتير وخلاني أبقى فاهمة الدنيا رايحة فين وجاية منين ومش هحب عشان أعيش الحالة لا لازم أعرف هحب مين، وللأسف عشان علمني احب مين بطلت أحب».

واستطردت: «مش أول حب في حياتي بس الحب اللي خدت فيه قرار جواز في حياتي، أخدت قرار الانفصال عشان موصلش لمرحلة لا أنا أتبهدل ولا نروح أقسام ولا أيا كان اللي هيحصل، الموضوع خلص خلاص بقاله 6 سنين، هو مكنش معاه فلوس اللي كان قايله غير اللي أنا اكتشفته، وحبيته سنة قبل الجواز وقربنا سوا 6 شهور».

• بعد شفائها من السرطان.. فاشينيستا لبنانية شهيرة تستعد لزواجها الثاني
• سلاف فواخرجي تكشف أسباب غيابها عن الدراما المصرية
• ممثل مشهور يعلن رغبته بالترشح للانتخابات الرئاسية الأميركية