هشام عاشور يعلّق على زواجه من نيللي كريم: “الجوازة دي ضرّتني جامد”
تلقى الفنان هشام عاشور انتقادات واسعة بسبب تعاونه مع زوجته الفنانة نيللي كريم في مسلسل “عملة نادرة”، اضافة الى ظهوره معها في مسلسلها “روز وليلى”.
وقال خلال لقائه على برنامج “الراديو 9090”: “الجوازة دي ضرتني جامد.. أنا راجل بطل يعني فضلت 27 سنة بتمرن 8 ساعات في اليوم ومبفكرش في حاجة تانية، علشان كده بقت طريقة تفكيري دلوقتي بركز على التدريب في الحاجة اللي عاوزها، ومش برد ولا بسمع لأي كلام لحد ما أحقق طموحي”.
وحول دخوله مجال التمثيل بمساعدة زوجته الفنانة نيللي كريم قال: “قبل ما أتجوز نيللي قالتلي خلي بالك أنت ممثل تقيل بس فكرة إننا مع بعض هتحط عليك ضغط كبير، لأن الناس هتقارنك بيا وإحنا عارفين القصة دي من الأول، ولكن لما الناس تشوف فيا ممثل بجد وبأثر بطريقة معينة هيبتدوا يفصلوني عن نيللي ويبصولي بطريقة تانية”
هشام محمد عاشور، هو لاعب مصري معروف في رياضة الاسكواش ولد في القاهرة في 29 مايو 1982 وهو الأخ الأكبر للبطل العالمي رامي عاشور.
يعتبر هشام من بين أبرز اللاعبين العالميين في رياضة الاسكواش، وحقق نجاحات كبيرة في مسيرته الرياضية.
في فبراير 2012، تم تصنيفه رقم 11 عالميًا، وحصل على العديد من الجوائز والألقاب خلال مشواره الرياضي.
في عام 2014، اعتزل هشام الاسكواش وأنشأ أكاديمية الاسكواش في أمريكا، ولكن عاد مرة أخرى إلى بلده بسبب الظروف العالمية الصعبة وعندما عاد إلى مصر، أسس مع شقيقه رامي العديد من الأكاديميات لتعليم اللاعبين المبتدئين في مجال الاسكواش.
إلى جانب انجازاته في رياضة الاسكواش، شارك هشام في العديد من الأعمال الفنية، حيث قدم العديد من الأدوار المميزة بالتمثيل ببراعة.