سلوى عثمان لـ ياسمين صبري: بالراحة شوية على الشباب “فيديو”
عبرت الفنانة المصرية سلوى عثمان عن رأيها بخصوص سيارة ياسمين صبري الباهظة التي أهداها اياها زوجها رجل الأعمال “أحمد أبو هشيمة”، وبدورها قامت “صبري” بنشر صورها على الملأ، كاشفة عن سعرها الذي تجاوز 10 ملايين جنيه مصري.
وقالت الفنانة سلوى: “ده جوزها وهو حر يهاديها باللي هو عاوزه، هي مراته عاوز يدلعها أو يجيبلها هدية حلوة، وكل واحد على قد مقدرته، هو عاوز يهادي زوجته حاجة كبيرة هما حرين مع بعض”.
وأضافت:
“أنا من أنصار (داري على شمعتك تقيد) مش لازم لما يكون عندي حاجة حلوة أظهرها، مش ضروري أقول أو أعمل إعلان عن هدية جوزي جبهالي، هما لو عاوزين يعملوا كده أكيد هما حرين، بس بالراحة على الشباب الي مش قادر يتجوز ومش قادر يجيب”.
وواصلت حديثها قائلة:
“طبعا بتحصل مقارنات، هو مقتدر وجبلها سيارة غالية، إنتي جوزك هيجيبلك زيها إزاي؟!.. وبقول لياسمين داري على شمعتك تقيد، وبقول للشباب ممكن جدًا تنجحوا وتجيبوا زيهم”.
أقرأ أيضاً:
- هازال فيليز تنفصل عن حبيبها بعد نشر صور جنسية لها وهي على الشاطئ.. فعل يصدم الجميع!”صورة”
- شاب يضعف أمام فتاة تمارس الرياضة في دبي ويباغتها من الخلف.. فعل صادم!
وعن كيفية اختيارها للأدوار الفنية بعد النجاح الكبير الذي حققته في مسلسل “البرنس”، قائلة:
“كل دور وليه شغله، مش كل حاجة إنتي هتعمليها هتنجح وتبقى تريند، ومش هينفع نستنى الشغل اللي هيعمل تريند، فلازم نشتغل كل الأداور”.
وأكملت:
“في أعمال هتبقى مهمة والناس هتتفرج علينا، وفي أعمال الكتابة فيها توصلك إنك تبقي تريند، زي المشهد الي طلعت بيه تريند في مسلسل البرنس، كان مكتوب حلو أوي من محمد سامي، وأنا جسدته حلو أوي فوصل بسرعة وبقى تريند، ولكن أتمنى يجيلي أدوار أوصل فيها حاجة مهمة للناس وتبقى تريند زي ما حصل في البرنس”.
وبخصوص تعاونها مع المخرج المصري محمد سامي وشقيقته بالاضافة الى ريم وزوجته مي عمر، قائلة عثمان:
“طبعا دي العائلة المالكة يا ماما، محمد سامي وريم سامي ومي عمر،، فنانين حلوين ومبدعين، وبالتحديد محمد سامي مبدع وبيحب شغله وبيحب الممثلين وبيكتب حوار حلو أوي، ومخرج عبقري”.
وأردفت: “مي عمر ممثلة جميلة ومجتهدة وبتحب زمايلها وشغلها وملتزمة جدًا في شغلها وعندها استعداد تعمل مجهود كبير أوي علشان كل يوم تعمل حاجة أحسن، وريم سامي كمان موهوبة وعموما الخبرة مهمة أوي، ويوم ورا يوم هتاخد خبرة أكتر وهتفهم أكتر عن طريق الممارسة”.
أقرا المزيد: