سارة أبي كنعان تودع “الثمن” بهذه الكلمات المؤثرة
علقت الممثلة اللبنانية سارة أبي كنعان على إنتهاء عرض “الثمن”، الذي تقمصت فيه شخصية “تيما” وأعربت عن أهمية المسلسل في مسيرتها الفنية.
شاركت أبي كنعان مجموعة صور ومقاطع فيديو من المسلسل وعلقت عليها قائلة: “بتمنى تقروا للآخر … انا شخص ما بحب الوداع ومعروف عني قديش بتعلق بالناس والمواقف والاحلام والاشياء لو قد ما كانت بسيطة … مشان هيك هيدا البوست الاصعب علي اني نزلو لانو ما بدي قول باي لهيدي التجربة ولا لإلكن ولمحبتكن ولدعمكن بالذات …”.
وأضافت: “للممثلين كلكن يعطيكن الف عافية كانت تجربة بتكبر القلب وعملت فرق بمسيرتنا جميعاً … اما انتو … ما رح اعرف عبر عن كمية الحب اللي حسستوني فيها … كممثلين ، فعلاً بلا دعمكن وبلا محبتكن ، ما منكون موجودين … الممثل ، بلا جمهور بقدر تعبهن وبعيش معهن ، ما شي … عشت معكن مع تعليقاتكن ، ضحكت على رسايلكن وبكيت معكن”
واستطردت:”حبيتكن بلا ما اعرفكن شخصياً وعنجد صرت حس عندي عيلي كبيرة فيني شد ضهري فيها … انا يمكن عيّشت تيما بس انتو عطيطوها حقها وحقي !! بحبكن بحبكن كتير وما بدي قول باي بدي قول برجع بشوفكن قريباً … وترقبوا شي مهضوم لتيما وسارة بينزل بهالكم يوم”.
شارك في بطولة الثمن باقة من ألمع النجوم والفنانين من بينهم باسل خياط في دور زين، نيقولا معوض في دور كرم، رزان جمال في دور سارة، سارة أبي كنعان في دور تيما، رفيق علي في دور إبراهيم مطر، علي يونس في دور خالد.